ՀԱՎԱՏԱՄՔ

ԱՍՏՎԱԾԱՇՈւՆՉՆ Աստծո խոսքն ու միտքն է մարդկանց բառերով,

որը ամփոփված է Ավետարանով: Այն կատարյալ գործ է,

որի մեջ շոշափված են մարդու ամեն կարիքներն ու զգացումները:

ԱՍՏՎԱԾ ինքնագո Հոգի է` Հոր, Որդու և Սուրբ Հոգու Եռամիասնությունը,

որը մեկ է, միակն է և մեկացած է, որից բացի ուրիշ Աստված չկա:

Նա կատարյալ է սիրո, սրբության, կարողության, գիտության և

իմաստության մեջ և հավիտյան անփոփոխ է:

Նրա ձեռքով ստեղծվեցին երկինքը, երկիրը և ամեն ինչ, որ նրանց մեջ կան`

տեսանելին և անտեսանելին: Եւ ամենուրեք ամեն ինչի վրա է,

ամենքի հետ է և իրեն ընտրած մարդկանց` ամենքի մեջ է:

ՄԱՐԴՆ Ադամի և Եվայի սերունդն է, Աստծո ձեռքով ստեղծված,

նրա պատկերի և նմանության պես: Սակայն Ադամը դարձավ մեղավոր,

Սատանայից ընդունելով նրա սրտում առաջացած անօրինությունը:

Նրա սուրբ բնությունը փոխվեց մեղանչականով` մարդու հակումները

դարձան դեպի մեղքը` անիրավությունն ու անօրինությունը:

Եւ այդ բնությունը ժառանգաբար անցավ նրա ողջ սերունդին:

Հետևաբար, մարդը զրկվեց Աստծո փառքից և կյանքի օրենքի փոխարեն

նրա մեջ սկսեց գործել մահվան օրենքը:

ԱՍՏԾՈ ՕՐԵՆՔԸ սուրբ է` բարձր է գոյություն ունեցող ամեն օրենքներից,

և նրանով բացահայտվում է իրավունքի և անիրավության սահմանը:

ՀԻՍՈւՍ ՔՐԻՍՏՈՍԸ Սուրբ Եռամիասնության մեկ անձն է՝

Աստծո Միածին Որդին՝ նրա էությունից դուրս եկած, ոչ թե արարված:

Աստծուն հավասար լինելով` չտարվեց այդ փառքով, այլ իր դիրքով ցածրացավ,

իսկ վիճակով մնաց որպես ճշմարիտ և երկրպագություն ընդունող Աստված:

Եւ մեզ՝ կորսված մարդկանց Չարի իշխանությունից փրկելու և

Աստծո Թագավորության մեջ դնելու նպատակով երկնքից եկավ աշխարհ`

Սուրբ Հոգու զորությամբ, Աստծուն հավատարիմ կույս Մարիամից ծնվելով,

կատարյալ մարդ եղավ՝ մարդկային բնություն և մարմին ստանալով,

սակայն մեղք չգործեց, միևնույն ժամանակ մնալով կատարյալ

Աստված մարմնի մեջ: Եւ այդ մարմնում դատապարտեց մեր մեղանչական

բնությունը և ողջ աշխարհի մեղքերի պատիժը իր վրա վերցնելով խաչի վրա

մեռավ, թաղվեց և երրորդ օրը նույն մարմնով հարություն առավ:

Երկինք համբարձվեց և Հայր Աստծո աջ կողմը նստեց: Հոր փառքով   կվերադառնա

և ողջերին ու մեռելներին հարությունից հետո կդատի իրենց գործերի համեմատ:

Եւ նրա` արդեն իսկ սկսած Թագավորությանը վերջ չի լինի:

ՍՈւՐԲ ՀՈԳԻՆ Աստծո Եռամիասնության մեկ անբաժանելի անձն է`

Աստված դիրքի ու վիճակի մեջ` ոչ ավելին և ոչ էլ պակաս: Նրա մեջ են

մկրտվում Հիսուս Քրիստոսին հավատացողները, որոնց նա առաջնորդում է

ամեն ճշմարտության մեջ:

ԵԿԵՂԵՑԻՆ Հիսուս Քրիստոսին դարձած հավատացողների միաբան ժողովքն է`

կանչված և առանձնացված Աստծո համար` նրա գլխավոր նպատակին հասնելու`

Հիսուս Քրիստոսին նմանվելու: Եւ ամեն դարերում եկեղեցին պետք է

Արքայության Ավետարանը քարոզի և ուսուցանի (առանց ավելացնելու և

պակասեցնելու), կատարի մկրտություն` Հոր, Որդու և Սուրբ Հոգու անունով

և Տերունական ընթրիք:

Հիսուս Քրիստոսին Հավատացողների Եկեղեցի